أوردرات بتضيع تحت الرسايل
أوردر امبارح مدفون تحت رسايل النهارده. والعميل اللي استنى ردّك راح اشترى من حد تاني.
لو بيجيلك أوردرات كل يوم على إنستجرام وواتساب
الأوردرات بتجيلك في الشات، وبتضيع تحت الرسايل
حط لينك متجرك في البايو وابعته في الشات. العميل بيشوف السعر والمقاسات المتاحة ورسوم التوصيل لمحافظته، ويطلب بنفسه. وإنت بتوصلك رسالة واتساب بتفاصيل الأوردر، والأوردرات كلها بتتجمّع في ليستة واحدة.
ببلاش لحد ٣٠ أوردر في الشهر، ومن غير ما تدخّل كارت.
الشات مش معمول
إنه يشيل أوردرات
وكل ما البيع يزيد، اللي بيضيع منك بيزيد معاه.
«بكام؟» و«فيه مقاس L؟» طول اليوم
السعر والمقاس واللون والشحن لأسيوط. نفس الأسئلة، وبتكتب الرد من الأول كل مرة.
مفيش سجل مين طلب إيه
الأسامي والأرقام والعناوين في نوتس وسكرينشوتات. ولما حد يسأل «طلبي فين؟» بتقلّب في الشات عشان تفتكر.
العميل الجديد مش مطمّن
بيشوف شات وصور متبعتة، مش متجر. وبيسأل نفسه «ده حقيقي؟» قبل ما يدفع كاش لحد ميعرفوش.
متجر للبيع على إنستجرام وواتساب
العميل يطلب بنفسه، من غير ما يستنى ردّك
متجرك بيبقى على لينك باسمك على sell1x.com. حطه في البايو، ولما حد يسأل في الشات ابعتله لينك المنتج. كل منتج عليه صوره وسعره والمقاسات والألوان المتاحة، والعميل بيختار ويكتب عنوانه ويطلب.
- تقدر تحدد مخزون لكل مقاس ولون، فاللي خلص مبيتطلبش
- رسوم التوصيل بتتحسب لوحدها حسب المحافظة
- كاش عند الاستلام، أو إنستاباي ومحافظ والعميل بيرفع صورة التحويل
- لينك وكود QR لكل منتج، تبعته في الشات أو تطبعه
واتساب
الأوردر بيوصلك على واتساب بتفاصيله
لما حد يطلب، بتوصلك رسالة على رقمك فيها اسم العميل ورقمه والإجمالي، وزرار يفتح الأوردر. وللرد على العميل، عندك رسايل جاهزة بتتبعت من واتساب بتاعك، بدل ما تكتب نفس الكلام كل مرة.
- رسالة على رقمك بالأوردر الجديد: الاسم والرقم والإجمالي وعدد القطع
- رسايل جاهزة تعدّلها بأسلوبك: اتأكّد، بيتجهّز، اتشحن، اتسلّم، تأكيد العنوان، ومتابعة
- لو فعّلته، العميل بيأكّد أوردر الدفع عند الاستلام من رسالة واتساب قبل ما تشحن
الأوردرات
كل أوردر ليه حالة، مش سكرينشوت في الشات
بدل النوتس والسكرينشوتات، أوردراتك كلها في ليستة واحدة، وكل أوردر حالته قدامك من أول ما يتطلب لحد ما يتسلّم. والعميل بيتابع أوردره من لينك، فـ«طلبي فين؟» بتقلّ. والعميل اللي رجع يطلب تاني بتعرفه من علامة على أوردره.
- حالات واضحة: جديد، تم التأكيد، قيد التحضير، تم الشحن، تم التسليم
- أوردر لسه جايلك في الشات؟ سجّله بإيدك في نفس الليستة
- دوّر بالاسم أو رقم الموبايل أو رقم الأوردر
- نزّل الأوردرات في شيت يفتح على إكسل بالعربي
مفيش مفاجآت في الفاتورة
- عمولة على أوردراتك
- ٠٪
- أوردر في الشهر ببلاش
- ٣٠
- جنيه في الشهر بعدها، لحد ٣٥٠ أوردر
- ٤٩٩
- ثيم ببلاش لمتجرك
- ١٢
الأسعار بالجنيه المصري وشاملة ضريبة القيمة المضافة.
ببلاش وإنت بتبدأ، وسعر ثابت لما تكبر
شهر زحمة وعدّيت الحد؟ مفيش أوردر بيضيع، الأوردرات الزيادة بتتحفظ لحد ما ترقّي.
ببلاش لحد ٣٠ أوردر في الشهر، وبعدها من ٤٩٩ جنيه في الشهر.
سعر ثابت بالجنيه، ٠٪ عمولة، ومن غير رسوم على كل أوردر.
المجاني
ببلاشمش محتاج كارت
أوردرات في الشهر: ٣٠
الأساسي
٤٩٩جنيه في الشهر
أوردرات في الشهر: ٣٥٠
النمو
٩٩٩جنيه في الشهر
أوردرات في الشهر: ١٬٠٠٠
المحترف
١٬٩٩٩جنيه في الشهر
أوردرات في الشهر: ٣٬٠٠٠
أسئلة
قبل ما تبدأ
سيلX مناسب ليا؟
لو الأوردرات بتجيلك كل يوم على إنستجرام أو واتساب أو فيسبوك، وتعبت من الرد والتسجيل، أيوه. ابدأ ببلاش، ولما تعدّي ٣٠ أوردر في الشهر، الباقات بتبدأ من ٤٩٩ جنيه.
لازم أبطّل أبيع في الشات؟
لأ. كمّل ردّ على عملائك زي ما إنت، بس ابعتلهم لينك المنتج يطلبوا منه. ولو حد صمّم يطلب في الشات، سجّل أوردره بإيدك في نفس الليستة.
العميل محتاج يعمل حساب أو ينزّل تطبيق؟
لأ. بيفتح اللينك من موبايله، يختار المنتج، ويكتب اسمه ورقمه وعنوانه ويطلب.
رسالة الأوردر بتوصلني على رقمي أنا؟
أيوه، على رقم الواتساب اللي بتحطه في إعدادات متجرك، بعد ما تأكّده بكود. والرسالة بتتبعت من رقم سيلX الرسمي على واتساب. ولو حددت ساعات هدوء، الرسايل مبتتبعتش فيها.
محتاج أعرف برمجة أو تصميم؟
لأ. بتختار شكل متجرك من ١٢ ثيم ببلاش، تحط اللوجو والألوان، وتضيف منتجاتك بصورها وأسعارها ومقاساتها.
سيلX بيشحن الأوردرات؟
لأ، الشحن عندك، مع شركة الشحن أو المندوب اللي بتتعامل معاه. سيلX بيحسب رسوم التوصيل حسب المحافظة، ولو معاك حساب بوسطة تربطه وتحجز الشحنة من صفحة الأوردر. والعميل بيتابع حالة أوردره من لينك.
خلّي الشات للكلام،
والأوردرات للمتجر
افتح متجرك، حط اللينك في البايو، وسيب العملاء يطلبوا بنفسهم. ببلاش لحد ٣٠ أوردر في الشهر.