الإعلان بيوديهم الشات
العميل يسأل «بكام؟» ويستنى. لحد ما ترد يكون قفل أو نسي، وإنت دافع تمن الرسالة دي في الإعلان.
للي بيبيع بالإعلانات والدفع عند الاستلام
الإعلان شغّال، بس الأوردرات بتضيع في الشات
صفحة هبوط لمنتجك وفورم الطلب على نفس الصفحة، والبيكسل والـ CAPI بيبلّغوا ميتا وتيك توك بالشراء بقيمته الحقيقية، والعميل بيأكّد أوردره على واتساب قبل ما تشحن. كل ده جوّه سيلX، من غير تطبيقات.
ببلاش لحد ٣٠ أوردر في الشهر، ومن غير ما تدخّل كارت.
كل أوردر بيضيع،
دفعت تمنه في الإعلان
الإعلان بيجيبلك الناس. اللي بيحصل بعد ما العميل يدوس هو اللي بيحدد إنت كسبان ولا خسران.
متجر عام وفورم طويل
جاي من إعلان على منتج واحد، يلاقي صفحة رئيسية وسلة وكذا خطوة. كل خطوة زيادة ناس بتقفل قبل ما تطلب.
البيكسل مش شايف الشراء
لو الشراء مش بيوصل لميتا بقيمته، الإعلان بيتعلّم من الزيارات، وبيجيبلك ناس بتتفرّج مش بتشتري.
أوردرات وهمية ومحدش بيرد
رقم غلط، أو حد طلب وهو بيهزّر. بتجهّز وتشحن، والشحنة ترجع، وتدفع مصاريفها رايح جاي.
صفحة هبوط بالدفع عند الاستلام
صفحة لمنتج واحد، والفورم على نفس الصفحة
العميل بيشوف المنتج والعرض ويطلب على طول، من غير سلة ولا صفحة تانية. فورم طلب كاش فيه اسمه ورقمه والمحافظة والمدينة والعنوان، ورسوم التوصيل بتظهرله حسب محافظته. وإنت بتختار أقسام الصفحة وترتيبها.
- عروض الكمية: اتنين بسعر، وتلاتة بسعر أحسن
- إضافة على الأوردر قبل ما يطلب، وعرض تاني بعد ما يطلب من غير ما يكتب بياناته تاني
- عدّاد للعرض، وزرار الطلب ثابت قدامه وهو بينزل في الصفحة
- لكل صفحة أرقامها: الزيارات، اللي بدأوا يملوا الفورم، الأوردرات، والمبيعات
البيكسل والـ CAPI
ميتا وتيك توك يعرفوا مين اشترى فعلاً
حط رقم البيكسل بتاع ميتا أو تيك توك في إعدادات متجرك، وضيف توكن الـ CAPI لو عايز. سيلX بيبعت الأحداث من المتصفح، ولو ضفت التوكن، بيبعت الشراء كمان من السيرفر بقيمة الأوردر الحقيقية بالجنيه، فلو المتصفح وقّف البيكسل، الشراء برضه بيوصل.
- الشراء بيتبعت من المتصفح ومن السيرفر بنفس رقم الحدث، فبيتحسب مرة واحدة
- قيمة الأوردر الحقيقية، مش رقم متظبّط
- الزيارة وبداية الطلب والشراء بيوصلوا للبيكسل، وفي المتجر كمان الإضافة للسلة
- لينك كتالوج لمنتجاتك يقراه ميتا وتيك توك وجوجل
التأكيد على واتساب
اعرف مين جادّ قبل ما تشحن
لو فعّلته، العميل بيوصله على واتساب ملخّص أوردره: صورة المنتج والإجمالي والعنوان، وزرار بيفتحله صفحة يأكّد منها أو يلغي، والرد بيظهرلك على الأوردر. وتقدر كمان تطلب كود تحقق على واتساب قبل ما الأوردر يتسجّل، فالرقم الغلط مبيعدّيش.
- على كل أوردر بتشوف: العميل أكّد، ألغى، أو لسه مستني
- ولو فعّلت كود التحقق، الأوردر مبيتسجّلش غير بعد ما العميل يكتب الكود اللي وصله
- فالرقم الغلط مبيعملش أوردر، ومفيش شراء بيوصل للبيكسل من رقم متأكّدتش منه
- الرسايل بتتبعت من خلال الـ API الرسمي من ميتا، بقوالب معتمدة
سعر ثابت بالجنيه، ومن غير عمولة
- عمولة على أوردراتك
- ٠٪
- أوردر في الشهر ببلاش
- ٣٠
- جنيه في الشهر بعدها، لحد ٣٥٠ أوردر
- ٤٩٩
- ثيم ببلاش لمتجرك
- ١٢
الأسعار بالجنيه المصري وشاملة ضريبة القيمة المضافة.
ابدأ ببلاش، وادفع لما تبيع أكتر
ولو عدّيت الحد، الأوردرات الزيادة مش بتضيع، بتتحفظ لحد ما ترقّي.
ببلاش لحد ٣٠ أوردر في الشهر، وبعدها من ٤٩٩ جنيه في الشهر.
سعر ثابت بالجنيه، ٠٪ عمولة، ومن غير رسوم على كل أوردر.
المجاني
ببلاشمش محتاج كارت
أوردرات في الشهر: ٣٠
الأساسي
٤٩٩جنيه في الشهر
أوردرات في الشهر: ٣٥٠
النمو
٩٩٩جنيه في الشهر
أوردرات في الشهر: ١٬٠٠٠
المحترف
١٬٩٩٩جنيه في الشهر
أوردرات في الشهر: ٣٬٠٠٠
أسئلة
قبل ما تبدأ
سيلX مناسب ليا؟
لو عندك منتج بتبيعه بإعلانات ميتا أو تيك توك، والعميل بيدفع عند الاستلام، الصفحة دي معمولة ليك. ولو لسه مبدأتش إعلانات، ابدأ ببلاش وجهّز صفحتك الأول.
أقدر أعمل كام صفحة هبوط؟
صفحات الهبوط مش محدودة في أي باقة، حتى المجانية. اعمل صفحة لكل منتج، أو لكل إعلان.
إزاي أربط بيكسل فيسبوك والـ CAPI بمتجري؟
من إعدادات متجرك: حط رقم البيكسل بتاع ميتا أو تيك توك، والتوكن لو عايز الـ CAPI، من غير أي تطبيق. سيلX بيبعت الأحداث من المتصفح، ومع التوكن، الشراء كمان من السيرفر.
رسالة التأكيد بتوصل العميل من رقم مين؟
من رقم سيلX الرسمي على واتساب، والرسالة فيها اسم متجرك. ولو العميل عايز يسأل، فيها زرار بيفتح الشات على رقم متجرك.
سيلX بيشحن الأوردرات؟
لأ، الشحن عندك، مع شركة الشحن أو المندوب اللي بتتعامل معاه. سيلX بيحسب رسوم التوصيل حسب المحافظة، ولو معاك حساب بوسطة تربطه وتحجز الشحنة من صفحة الأوردر. ومع أي شركة تانية، نزّل الأوردرات الجاهزة للشحن في شيت يفتح على إكسل.
أقدر أشتغل على دومين خاص بيا؟
أيوه، من أول باقة مدفوعة، عشان إعلاناتك تبقى على دومينك إنت. ولحد ما تحتاجه، متجرك شغّال ببلاش على لينك باسمك على sell1x.com.
خلّي فلوس الإعلان
تجيبلك أوردرات متأكّدة
اعمل صفحة هبوط لمنتجك، اربط البيكسل، وفعّل التأكيد على واتساب. ببلاش لحد ٣٠ أوردر في الشهر.